स्मार्टफोन चार्जिंगसाठी नवीन Power Bank खरेदी करतांना ‘या’ गोष्टींकडे द्या लक्ष, होईल फायदा

दुहेरी क्षमतेची बॅटरी निवडा :

पॉवर बँक खरेदी करताना त्याची बॅटरी क्षमता तपासा. पॉवरबँकची mAh जितकी जास्त असेल तितकी डिव्हाइसची चार्जिंग क्षमता जास्त असेल. पॉवर बँक खरेदी करताना, त्याचा आउटपुट व्होल्टेज तुमच्या डिव्हाइसशी जुळतो का ते तपासा. चार्जरचे आउटपुट व्होल्टेज चार्ज होत असलेल्या डिव्हाइसपेक्षा कमी असल्यास, ते चांगल्या प्रकारे काम करणार नाही. जर तुमच्या गॅझेटची बॅटरी क्षमता १५०० mAh असेल, तर तुम्ही ३००० mAh क्षमतेची पॉवर बँक घ्यावी.

वाचा: Jio च्या ‘या’ स्वस्त रिचार्ज समोर Airtel-VI फेल, प्लानमध्ये भरपूर डेटा आणि अनलिमिटेड कॉलिंगसह ‘हे’ बेनिफिट्स

LED इंडिकेटर असणे आवश्यक :

पॉवर बँकमध्ये एलईडी इंडिकेटर असणे अत्यंत आवश्यक आहे. त्यातून अनेक गोष्टींची माहिती मिळते. हे बॅटरी लेव्हल आणि चार्जिंग स्थितीबद्दल सांगते. त्यामुळे स्पष्ट एलईडी इंडिकेटर लाइट असलेली पॉवर बँक खरेदी करा.

उच्च दर्जाची लिथियम-पॉलिमर बॅटरी निवडा:

गॅझेट्सचा विचार केला तर सुरक्षिततेकडे अजिबात दुर्लक्ष करू नये. अनेक लोक रात्री झोपताना स्मार्टफोन चार्ज करतात. ज्यामुळे समस्या निर्माण होऊ शकतात. खराब दर्जाचे लिथियम-पॉलिमर धोकादायक ठरू शकतात. कारण, जास्त चार्जिंगमुळे या पॉवर सेलचा स्फोट देखील होऊ शकतो.

केबल गुणवत्ता :

चार्जिंगची वेळ केबलच्या गुणवत्तेनुसार निर्धारित केली जाते. याशिवाय, उच्च दर्जाची केबल तुमच्या डिव्हाइसला जास्त गरम होण्यापासून वाचवते. तुमच्या पॉवर बँकसोबत येणारी केबल चांगल्या दर्जाची असावी. तसेच, पॉवर बँकसोबत येणारी केबल गॅजेट्स चार्ज करण्यासाठीच वापरावी.

वाचा: Oppo Reno 8 5G Series : आज येताहेत Oppo चे दोन पॉवरफुल स्मार्टफोन्स, ११ मिनिटात होतील ५० % चार्ज, कॅमेराही जबरदस्त