स्मार्टफोनवर नियंत्रण मिळविण्यासाठी SIM Swapping ची मदत घेतात हॅकर्स, राहा अलर्ट

सिम स्वॅपिंग कसे केले जाते?

सिम स्वॅपिंगमध्ये कोणीतरी तुम्हाला मोबाईल कंपनीचा असल्याचा दावा करून कॉल करतो. या प्रकारात लोक असाही दावा करतात की तुमचे सिम कार्ड खराब झाले आहे आणि त्याला बदलण्याची गरज आहे. त्यानंतर हॅकर व्यक्तीला सिम बदलून देण्याबाबत बोलतो. यामध्ये हॅकर्स युजरला अडकवून युजरच्या सिमवर नियंत्रण मिळवू शकतात. यासाठी, स्कॅमर असलेल्या कोणत्याही सिमवर युजर्सचा नंबर सक्रिय करतात.

वाचा: काय सांगता ! लाखांच्या घरात किंमत असलेला हा ६५ इंचाचा Smart TV ३१ हजारात खरेदी करता येणार

स्कॅमरचे OTP वर नियंत्रण असेल:

जेव्हा हॅकर्स तुमच्या सिमचा ताबा घेतात, तेव्हा त्या नंबरवर येणारा कॉल किंवा मेसेज त्या हॅकरकडे जातो. याला सिम स्वॅप फ्रॉड म्हणतात. जर तुम्हाला कोणत्याही व्यवहाराचा ओटीपी मिळाला तर, तोही हॅकरकडे जातो आणि याद्वारे तो तुमचे बँक अकाउंट पूर्णपणे रिकामे करू शकतो.

सिम स्नॅपिंग कसे टाळावे?

जर तुम्हाला सिम स्वॅपिंग टाळायचे असेल, तर तुम्हाला फिशिंग मेल्स आणि इतर Online Activity बाबत खूप काळजी घ्यावी लागेल. कोणत्याही प्रकारच्या ईमेल आणि संदेशांवर क्लिक करू नका. हे तुमचे तपशील चोरू शकते. तसेच, जर तुम्हाला सिम संदर्भात कॉल आला तर. त्याकडे दुर्लक्ष करा. असे कॉल आल्यावर त्यांना माहिती देऊ नका.

कोणत्याही प्रकारच्या फिशिंग मेलला उत्तर देऊ नका. तसेच त्यावर आलेल्या कोणत्याही लिंकवर क्लिक करू नका. याशिवाय, प्रत्येक Account Password पूर्णपणे मजबूत ठेवा. कमकुवत पासवर्ड अजिबात बनवू नका. कारण, हॅकर्सना ते शोधणे खूप सोपे आहे. असे कॉल आल्यावर, तुम्हाला ताबडतोब तुमच्या टेलिकॉम ऑपरेटरला कॉल करून कळवा.

वाचा: लिस्ट ठेवा तयार ! येतोय Flipkart Big Saving Days सेल, या डिव्हाइसेसवर मिळणार ८० % पर्यंत ऑफ