[ad_1]
Aamir Khan Disbalanced Fan Doubts He Is Drunk: बॉलिवूडचा मिस्टर परफेक्शनिस्ट आमीर खान हा सध्या ब्रेकवर आहे. त्यामुळेच तो शुटींग व्यतिरिक्त इतर गोष्टी एन्जॉय करत आहे. यामध्ये अगदी कॉनसर्टला उपस्थिती लावणे, कुटुंबाबरोबर वेळ घालवणे यासारख्या गोष्टींमध्ये आमीर व्यस्त आहे. सध्या आमीर अनेक पार्ट्यांनाही हजेरी लावत आहे. मात्र सध्या अशाच एका कथित पार्टीनंतरचा आमीर खानचा व्हिडीओ सोशल मीडियावर व्हायरल झाला आहे. मध्यरात्रीनंतर काढलेल्या या व्हिडीओमधील आमीर खानच्या चेहऱ्यावरील हावभाव पाहून तो मद्यधुंद अवस्थेत असल्याची शंका सोशल मीडियावर अनेकांनी व्यक्त केली आहे.
संमिश्र प्रतिक्रिया
एका ठिकाणावरुन बाहेर पडत असलेल्या आमीर खानसमोर अचानक पापाराझी म्हणजेच मनोरंजन सृष्टीसंदर्भात वार्तांकन करणारे फोटोग्राफर्स आले. या फोटोग्राफर्सला पाहून आपला तोल जाऊ नये म्हणून आमीरने दरवाजाची फ्रेम घट्ट धरुन ठेवली होती. विस्कटलेले केस, उगाच वेडावल्यासारखं हसणं हा असा आमीरचा अवतार पाहून फोटोग्राफरही गोंधळले. हा व्हिडीओ पाहून सोशल मीडियावर संमिश्र प्रतिक्रिया नोंदवल्या जात आहेत. आमीरचा हा व्हिडीओ पाहून काहींनी कायम संयमीतपणे प्रसारमाध्यमांसमोर येणारा हा कलाकार अशाप्रकारे पाहणे हे फारच आश्चर्यकारक असल्याचं म्हटलं आहे. तर काहींनी आमीरवर कठोर शब्दांमध्ये टीका केली आहे.
संपूर्ण देशाचं त्याच्याकडे लक्ष
“तो त्याची पूर्वाश्रमीची पत्नी किरण रावसारखा दिसतोय,” असं एका युझरने म्हटलं आहे. तर अन्य एकाने, “तो मद्यधुंद अवस्थेत दिसतोय. मला त्याच्याबद्दल वाईट वाटतं. कारण संपूर्ण देश या लोकांकडे शेजारच्या काकींप्रमाणे कायम लक्ष ठेऊन असतो,” असं म्हटलं आहे.
“त्याला त्याचा वेळ त्याच्या इच्छेप्रमाणे एन्जॉय करण्याचा हक्क आहे. मला हे फारच रिफ्रेशिंग आणि क्युट वाटतंय,” अशी प्रतिक्रिया अन्य एकाने दिली आहे. काहींनी यावरुन एवढा वाद निर्माण करण्याची काही गरज नसल्याचं म्हटलं आहे.
…म्हणून आमीरने घेतला ब्रेक
लाल सिंग चढ्ढा चित्रपट बॉक्स ऑफिसवर दणक्यात आपटल्यानंतर आमीर खानने कामापासून ब्रेक घेण्याचा निर्णय घेतला. “मी सध्या काहीच काम करत नाही. मागील काही वर्षांपासून मी सातत्याने काम करतोय. त्यामुळेच मला आता माझ्या कुटुंबाबरोबर वेळ घालवायचा आहे. पाणी फाऊंडेशनचंही काम बाकी आहे. यासंदर्भातील काम सुरु आहे आणि अजूनही करायचं आहे. मी एका वर्षाने पुन्हा अभिनयाला सुरुवात करेल,” असं आमीरने काही काळापूर्वी दिलेल्या मुलाखतीमध्ये म्हटलेलं.
[ad_2]
