तुमच्या Aadhaar Card चा कधीच गैरवापर होणार नाही, फॉलो करा सोपी टिप्स, राहा सेफ

व्हर्च्युअल आधार आयडी :

व्हर्च्युअल आयडी हा पर्यायी आधार क्रमांक आहे. हा एक १६ अंकी व्हर्च्युअल आयडी आहे, जो आधार क्रमांकावरून तयार होतो. आधार कार्डच्या ऐवजी त्याचा वापर करता येतो. आधार व्हर्च्युअल आयडी आधार क्रमांकावरून तयार केला जाऊ शकतो. परंतु, आधार ID क्रमांकावरून आधार क्रमांक ट्रेस केला जाऊ जाऊ शकत नाही. VID आधार कार्डधारक व्हर्च्युअल आयडी कितीही वेळा जनरेट केला जाऊ शकतो.

वाचा: फोनवर बोलताना तुमचा कॉल रेकॉर्ड तर होत नाहीये? असे करा माहित, ही ट्रिक येईल कामी

आधार व्हर्च्युअल आयडी ऑनलाइन कसा तयार करायचा ?

सर्वप्रथम UIDAI ची अधिकृत वेबसाइट http://uidai.gov.in/ उघडा. येथे तुम्हाला आधार सेवा विभागातील ‘व्हर्च्युअल आयडी (व्हीआयडी) जनरेटर’ वर क्लिक करावे लागेल. येथे तुम्ही VID जनरेशन पेजवर पोहोचाल. नंतर नवीन VID किंवा जुन्या VID चा पर्याय निवडावा लागेल. आता तुमचा १२ अंकी आधार क्रमांक टाका. सुरक्षा कोड सबमिट करा आणि “ओटीपी पाठवा” बटणावर क्लिक करा. तुमच्या नोंदणीकृत मोबाईल नंबरवर OTP एंटर करा आणि ‘Verify & Proceed’ बटणावर क्लिक करा. तुम्हाला तुमचा 16 अंकी व्हर्च्युअल आयडी पुढील पेजवर दिसेल. यासोबतच हा आयडी तुम्हाला मेसेजवर पाठवला जाईल.

आधार लॉक सेवा:

UIDAI प्रत्येक कार्ड धारकाला आधार लॉक करण्याची सुविधा देखील प्रदान करते. याद्वारे युजर्स त्यांचे बायोमेट्रिक तपशील आधार डेटाबेसमध्ये लॉक आणि अनलॉक करू शकतात. यासाठी प्रथम UIDAI ची अधिकृत वेबसाइट उघडा. येथे My Aadhaar वर क्लिक करा आणि लॉगिन करा. तुम्ही सुरक्षित बायोमेट्रिक पर्यायावर टॅप करू शकता. येथे तुम्हाला बायोमेट्रिक तपशील लॉक आणि अनलॉक करण्याचा पर्याय मिळेल. अशा प्रकारे तुम्ही तुमचा आधार तपशील लॉक करू शकता. त्याच वेळी, आवश्यक असल्यास, आपण त्यांना अनलॉक करू शकता.

वाचा: धमाकेदार ऑफर ! २५००० रुपयांपेक्षा कमी किमतीत मिळतोय Nothing Phone 1