[ad_1]
मुंबई : वरुण धवन आणि कियारा अडवाणी यांच्या जुग जुग जिओ या चित्रपटाची अनेक दिवसांपासून प्रेक्षकांमध्ये प्रतीक्षा आहे. या चित्रपटाबाबत अनेक तर्कवितर्क लावले जात आहेत. चित्रपटाची कथा लग्नाची असेल, असं मानलं जात होतं. पण प्रत्यक्षात ही कथा घटस्फोटाची आहे. चित्रपटाचा ट्रेलर रिलीज झाला असून तो खूपच मजेशीर आहे.
कसा आहे जुग जुग जिओचा ट्रेलर?
ट्रेलरची सुरुवात वधूच्या भूमिकेत कियारा अडवाणीने होते. त्यानंतर हिरो वरुण धवन येतो. त्यांच्या रोमान्समध्ये, एकजण त्यांना एकमेकांना काय हवे आहे ते सांगण्यास सांगतो. पुढच्या सीनमध्ये वरुण आणि कियारा रागाने म्हणतात, घटस्फोट!
कुक्कू आणि नैना यांचं लग्न मोडकळीस आलं आहे. दोघांनीही याबाबत अद्याप कुटुंबीयांना सांगितलेलं नाही. धाकट्या बहिणीच्या लग्नात दोघांनी ठरवलं की, लग्न होईपर्यंत ही गोष्ट गुपित ठेवायची. जेव्हा दोघं लग्नासाठी घरी जातात तेव्हा कुक्कूला कळतं की, त्याचे वडील देखील त्याच्या आईला घटस्फोट देण्याचा विचार करत आहेत.
एवढंच नाही तर त्याच्या वडिलांचं भांडण झालं आहे. पण मम्मी जी ना कोकिलाला घटस्फोट देऊ द्यायला तयार आहेत ना ती पापाजींना स्वतःपासून दूर जाऊ देणार आहेत. मम्मी जींनी सर्वांसमोर जाहीर केलं की, ‘या घरात कधीही घटस्फोट झालेला नाही. कधीच होणारही नाही.’
आता कुक्कू आणि नैना सर्वांना त्यांच्या घटस्फोटासाठी कसं पटवून देतील. त्यांचा घटस्फोट होईल की नाही आणि कुक्कू आपल्या आईवडिलांना घटस्फोट होण्यापासून वाचवू शकेल का? हे चित्रपटात पाहणं मजेशीर असणार आहे. तसं, जुग जुग जिओचा ट्रेलर कॉमेडीने भरलेला आहे. भावनिक क्षणही चित्रपटात नक्कीच पाहायला मिळणार आहेत. हा एक फॅमिली ड्रामा चित्रपट आहे. अशा परिस्थितीत, त्यात खूप मजा असणं निश्चितच आहे. ‘जुग जुग जिओ’ची निर्मिती दिग्दर्शक राज मेहता यांनी केली असून २४ जून रोजी तो चित्रपटगृहांमध्ये प्रदर्शित होणार आहे.
[ad_2]
