Jio चे 5G नेटवर्क येत नाहीये ? फॉलो करा या सोप्या टिप्स, मिळवा भन्नाट स्पीड

सर्वात महत्त्वाची गोष्ट म्हणजे 5G इंटरनेटसाठी तुमच्याकडे 5G स्मार्टफोन असणे आवश्यक आहे. तुमच्याकडे 5G तयार स्मार्टफोन असेल तेव्हाच तुम्ही 5G नेटवर्क वापरू शकाल. लक्षात घेण्यासारखी गोष्ट म्हणजे 5G फोनमध्येही 5G इंटरनेट वापरण्यासाठी, 5G सपोर्टसाठी फोन अपडेट करणे अत्यंत आवश्यक आहे.

वाचा: स्क्रीनवर Site Block चा मेसेज येत असल्यास राहा अलर्ट, हॅकर्स करताहेत बँक डिटेल्स मिळविण्याचा प्रयत्न

जिओ प्लानची निवड:

Jio ने अद्याप कोणताही 5G प्लान जारी केलेला नाही. परंतु, Jio 5G नेटवर्क वापरण्यासाठी तुमच्या नंबरवर २३९ रुपये किंवा त्याहून अधिकचा प्लान सक्रिय असेल तर तुम्ही जिओ वेलकम ऑफर्ससाठी पात्र असाल.

Jio Welcome ऑफर

Jio युजर्सना 5G वापरण्यासाठी इन्व्हाईट करण्यासाठी Jio True 5G वेलकम ऑफर जारी करण्यात आली आहे. वेलकम ऑफरचा लाभ घेणाऱ्या ग्राहकांना १ Gbps+ पर्यंतच्या स्पीडसह अमर्यादित 5G डेटा मिळेल.जसजशी शहरे 5G साठी तयार होतील, तसतशी बीटा चाचणी सेवा इतर शहरांमध्ये आणण्याची घोषणा केली जाईल. शहरातील नेटवर्क कव्हरेज पुरेसे मजबूत होतपर्यंत युजर्स या बीटा चाचणीचा लाभ घेऊ शकतील. इन्व्हाईट केलेल्या ‘जिओ वेलकम ऑफर’ युजर्सना त्यांचे विद्यमान जिओ सिम बदलावे लागणार नाही. जेव्हा मोबाइल 5G असेल तेव्हा Jio True 5G सेवा आपोआप अपग्रेड होईल.

अशा प्रकारे मिळेल Jio 5G चा फायदा

वरील सर्व निकषांची पूर्तता केली असतानाही तुमच्या फोनमध्ये 5G नेटवर्क येत नसेल तर, Jio ची ऑफर मिळवण्यासाठी सर्वप्रथम तुम्हाला तुमच्या फोनमध्ये MyJio अॅप इंस्टॉल करावे लागेल. अॅप उघडा आणि लॉगिन करा. आता तुम्ही Jio 5G रोलआउटच्या शहरात असाल तर तुम्हाला होम स्क्रीनवर ‘Jio Welcome Offer’ लिहिलेले दिसेल. पर्याय दिसत नसल्यास पेज रिफ्रेश करा. या कार्डवर टॅप केल्यानंतर, तुम्ही Jio च्या 5G सेवांचा लाभ घेऊ शकाल आणि तुमची नोंदणी केली जाईल.

वाचा: Airtel, Jio, VI युजर्ससाठी मस्त प्लान्स, अनलिमिटेड कॉल्ससह भरपूर डेटा, किंमत ३०० रुपयांपेक्षा कमी