Gpay वापरकर्त्यांसाठी आनंदाची बातमी! आता पिन न टाकता ही करता येणार UPI पेमेंट

नवी दिल्ली : आजकाल सर्वकाही ऑनलाईन होत असताना डिजीटल पेमेंटचं प्रमाणही खूप वाढलं आहे. सध्या फोन पे, गुगल पे, पेटीएम या अॅप्सच्या मदतीने मोठ्या प्रमाणात डिजीटल पेमेंट होत आहे. आता तर Google Pay ने UPI Lite प्लॅटफॉर्म सादर केला आहे. हे प्लॅटफॉर्म खासकरुन लहान पेमेंट करण्यासाठी डिझाइन केले गेले आहे. पेटीएम आणि फोनपेने आधीच UPI लाइट सेवा सुरू केली आहे. UPI Lite ही नॅशनल पेमेंट कॉर्पोरेशन ऑफ इंडिया (NPCI) द्वारे डिझाइन केलेली डिजिटल पेमेंट सेवा आहे. UPI Lite खाते एका टॅपने २०० रुपयांपर्यंत पेमेंट करू शकेल. यासाठी तुम्हाला पिन देखील टाकण्याची गरज नाही. याचा अर्थ आता तुम्हाला किराणा दुकानात किराणा सामान खरेदी करण्यासाठी, नाश्ता घेण्यासाठी आणि कॅबचे पैसे देण्यासाठी तुमचा पिन पुन्हा पुन्हा टाकावा लागणार नाही.

एका दिवसात ४००० रुपये करता येतील अॅड
Google ने UPI Lite आणले आहे, जे वापरकर्त्यांना पिन न टाकता UPI पेमेंट करू देते. UPI Lite खात्यात दिवसातून दोनदा २००० रुपयांपर्यंतचे पैसे टाकले जाऊ शकतात. म्हणजे एका दिवसात जास्तीत जास्त ४००० रुपये जोडले जाऊ शकतात. तसेच, एकावेळी २०० रुपयांपर्यंतचे झटपट UPI पेमेंट करता येते.

१५ बँकांचा सपोर्ट
तुम्ही UPI Lite सह UPI पेमेंट कुठे केले आहे? या माहितीसाठी बँक पासबुकची सुविधा उपलब्ध आहे. Google Pay ची UPI Lite सेवा १५ बँकांच्या सेवांना सपोर्ट करते.
वाचा : Upcoming Smartphones : नवा फोन घ्यायचा विचार करताय? थांबा, भारतात लाँच होत आहेत दमदार स्मार्टफोन्स

गुगल पे लाइट कसे सक्रिय कराल?

• सर्व प्रथम मोबाइलवर Google Pay अॅप उघडा.
• त्यानंतर प्रोफाइल आयकॉनवर टॅप करा. यानंतर प्रोफाइल पेजवर खाली स्क्रोल करा. जिथे तुम्हाला UPI Lite एक्टिवेशन पर्याय दिसेल, त्यावर टॅप करा.
• यानंतर तुम्हाला काही तपशील टाकावे लागतील, त्यानंतर UPI लाइट सक्रिय होईल.

वाचा : जर प्राणी माणसांसारखे दिसले असते तर? AI नं तयार केलेले हे ‘विचित्र’ फोटो पाहिले का?