बार्शी- प्रतिनीधी- आदिवासी महासंघ बार्शी तालूका कौन्सिल च्या वतिने मांगवडगाव तालुका केज जिल्हा बीड येथील पारधी समाजातील पवार कुटुंबीयांवर निंबाळकर कुटुंबियांनी जमीनीच्या वादातून केलेल्या हल्ल्यात 3 इसमांना ठार करण्यात आले या घटनेचा निषेध करीत हल्लेखोरांवर कडक कार्यवाही करण्याची व आदिवासींना न्याय मिळवून देण्याची मागणी दिनांक 18 मे 2020 रोजी मा.मुख्यमंत्री यांना मेल व्दारे निवदेन पाठवून करण्यात आली आहे. या घटनेत मृत झालेल्या पारधी कुटुंबातील मयत तिघा कर्त्या पुरुषांचे वारसांना शासकीय नोकरी द्यावी. त्यांना प्रत्येकी 25 लाख रुपये मदत द्यावी. न्यायालयीन निकालानुसार जमीन कसू द्यावी.पवार कुटुंबीयांना संरक्षण द्यावे हल्लेखोरांना कडक शासन व्हावे , अशा मागण्या करण्यात आल्या आहेत. निवेदनावर बार्शी आदिवासी महासभेचे निमंत्रक कॉ. तानाजी ठोंबरे, समिती सदस्य कॉ. भारत पवार, कॉ. प्रविण मस्तुद, कॉ. विकास पवार, कॉ. अजय पवार, कॉ. शैला काळे, कॉ. महादेव काळे, कॉ. अर्जून पवार, नागेश काळे, दिपाली पवार यांच्या सह्या आहेत.