तुळजापूर /अक्षय वायकर -तुळजापूर तालुक्यातील शिरगापूर येथील रहिवासी व नळदुर्ग येथील कला, विज्ञान व वाणिज्य महाविद्यालयातील डॉ. संतोष पांडुरंग पवार यांना मनुष्यबळ विकास लोकसेवा अकादमीचा कुशल नेतृत्व जननायक पुरस्कार जाहीर करण्यात आला आहे. डॉ. संतोष पवार हे इतिहासाचे थोरअभ्यासक आहेत. त्यांनी अक्कलकोट येथील ऐतिहासिक राजवाड्यावर पीएच.डी.केली आहे. छत्रपती शिवाजी महाराज यांच्यावर अनेक व्याख्याने त्यांनी दिली आहेत. या सर्व कार्याची दखल घेत पुरस्कार जाहीर केल्याचे व्यवस्थापक अमोल सुपेकर यांनी सांगितले. पुरस्कार जाहीर झाल्याबद्दल डॉ. पवार यांचे डॉ. लक्ष्मण थिटे, डॉ मल्लिनाथ बिराजदार, प्रसाद देशमुख, भैरवनाथ कानडे, शिवानंद खुने, लक्ष्मण नरे यांनी अभिनंदन केले आहे.
